Shëndeti i Bruce Willis vazhdon të përkeqësohet. Aktori 67-vjeçar njoftoi disa muaj më parë se do të tërhiqej nga skena për shkak se vuante nga afazia por duket se tani gjendja e tij shëndetësore është përkeqësuar.
“Ai nuk flet më dhe nuk kupton shumë se çfarë thonë njerëzit e tjerë. Por familja e di se Bruce nuk do të jetë përgjithmonë, kështu që ata po shijojnë çdo moment së bashku” – zbuloi një burim për Radar Online. “Vajzat nuk mund ta imagjinojnë Krishtlindjen pa Bruce”, shtoi më tej burimi.
Aktorit iu diagnostikua sëmundja në muajin mars.
“Për mbështetësit e mrekullueshëm të Bruce, si familje ne donim të ndajmë se Bruce ynë i dashur ka përjetuar disa probleme shëndetësore dhe së fundmi u diagnostikua me afazi, e cila po ndikon në aftësitë e tij njohëse” – u tha në një njoftim familjar.
Bruce Willis është i njohur për një karrierë të gjatë në Hollywood.
o.j/dita