Ushtria izraelite ka njoftuar se kanë hyrë në spitalin kryesor të pjesës jugore të territorit të Gazës, Nasser.
BBC raporton se ushtria izraelite pretendon se nje operacion i tillë po zhvillohet pasi dyshohet se ne godinën e spitalit fshihen luftëtarët e Hamasit.
Sipas ushtrisë, në godinë mund të jenë fshehur edhe pengjet izraelite të rrëmbyera nga Hamasi.
“Pushtimi i Izraelit detyron administratën e Kompleksit Mjekësor Nasser të mbajë pacientët e kujdesit intensiv pa staf mjekësor, gjë që i vë jetën e tyre në rrezik të madh”, tha Dr Ashraf al-Qudra, zëdhënës i Ministrisë së Shëndetësisë të Gazës.
Spitali Nasser në qytetin Khan Younis ka ndërprerë punën për javë të tëra për shkak të luftimeve. Të mërkurën, mijëra palestinezë të zhvendosur që ishin strehuar në spital filluan të largoheshin pasi Izraeli kishte hapur korridor që ata të iknin.
j.l./ dita
