Shefi i kirurgjisë në spitalin Al Shifa në Gaza, më i madhi i enklavës, thotë se stafi në objekt nuk mund të përballojë numrin e madh të pacientëve që po trajtojnë, pasi ai ndau video të skenave kaotike brenda repartit të urgjencës.
Videoja që ai regjistroi dhe dërgoi në CNN tregon disa rreshta pacientësh të rreshtuar në të dy anët e një korridori spitalor, disa në barela, të tjerët thjesht të shtrirë në dysheme.
“Kjo është zona e verdhë e departamentit tonë të urgjencës në kompleksin mjekësor Shifa. Njerëz të plagosur atje, atje, atje…Ne jemi të mbingarkuar me pacientë, një numër të madh njerëzish të lënduar.”, u shpreh doktori.
Ashtu si shumica e specialistëve në spital, ai thotë se tani po punon vetëm në repartin e urgjencës për të ndihmuar në trajtimin e shumë të plagosurve.
“Është e vështirë të përballesh me këtë situatë, kjo është e tmerrshme, stafi nuk mund të përballojë këtë numër të madh njerëzish të lënduar. Nuk ka më hapësirë”, thotë ai.
Sai’ida, i cili është gjithashtu kreu i Bashkëpunimit Ndërkombëtar në Ministrinë Palestineze të Shëndetësisë, thotë se aktualisht janë 8,000 njerëz në spital dhe u bëri thirrje udhëheqësve globalë që të veprojnë për t’i dhënë fund luftës.
a.c./dita
