Falë numerologjisë së fuqishme të 11/11, kjo e premte vendosi të jetë një nga ditët më me fat të muajit dhe ndoshta të gjithë vitit. 11/11 është një datë magjike, veçanërisht nëse dini të përfitoni nga energjia e saj.
Numerologjia e 11/11
Numri 11 në numerologji përfaqëson rritjen, zgjimin dhe lidhjen shpirtërore, kështu që shpërthimi i dyfishtë i kësaj energjie në 11 nëntor krijon një mundësi të fuqishme për qëllimet tuaja më të larta vetjake dhe shpirtërore.
Njëmbëdhjeta është një numër kryesor në numerologji dhe shpesh ka të bëjë me ndryshime masive në jetë, apo mundësi të reja.
Numerologjikisht, 11 nëntori është një kohë për të “komunikuar” me nënvetëdijen tuaj, për t’u lidhur me fushën shpirtërore dhe për të hapur zemrën drejt mundësive për arritjen e ëndrrave më të mëdha.
Si të punojmë me energjinë e 11/11
“Filloni të mendoni vërtet për atë që dëshironi. Asnjëherë mos e nënvlerësoni rëndësinë e qartësisë kur bëhet fjalë për të manifestuar. Ju duhet të jeni absolutisht i sigurt për atë që dëshironi.”
11 nëntori është një kohë e mirë për të vendosur qëllime specifike që vijnë nga zemra juaj, kështu që kaloni kohë duke reflektuar pikërisht mbi atë që dëshironi dhe pse e dëshironi.
Nëse keni nevojë për disa udhëzime kozmike kur bëhet fjalë për t’u qetësuar, provoni disa ushtrime reflektimi që mund t’ju lidhin më thellë me qëllimet tuaja.
“Si ju ndryshon? Si ndiheni? Çfarë bëni ndryshe? Çfarë ndikimi keni në botë?
Shkruajini përgjigjet për këto pyetje në një ditar, ose thjesht përdorini ato si një udhëzues, teksa meditoni më 11 nëntor.
a.m/dita
Happy Illuminati thoni me mire!