Organizata Botërore e Shëndetësisë (OBSH) ka bërë një apel urgjent për 8 milion dollarë, ndërsa grupet humanitare paralajmërojnë për një krizë në përkeqësim në Myanmar, pas një tërmeti shkatërrues me magnitudë 7.7.
Gati 72 orë pas katastrofës, autoritetet ushtarake të vendit kanë konfirmuar 1,700 të vdekur dhe qindra të zhdukur. Përveç pasojave të tërmetit, ushtria e Myanmarit ka intensifikuar sulmet ajrore kundër grupeve të armatosura të rezistencës, të cilat e kanë luftuar regjimin për katër vjet, raporton BBC.
Lëkundjet e fuqishme u ndjenë edhe në vendet fqinje, përfshirë Tajlandën, ku numri i viktimave ka arritur në 18. Në Bangkok, ekipet e shpëtimit po punojnë për të nxjerrë 76 punëtorë ndërtimi të bllokuar nën rrënojat e një ndërtese të shembur.
Familjarët e tyre po presin me ankth lajme. Një grua tha për BBC: “Do të pres për aq kohë sa duhet.”
j.l./ dita
