Drejtori i Organizatës Botërore të Shëndetësisë (OBSH) për Evropën, Hans Kluge, theksoi se duhet veprim urgjent për të trajtuar krizën klimatike. Duke përmendur 60,000 vdekjet në Evropë vitin e kaluar për shkak të nxehtësisë ekstreme, Kluge tha se numri i viktimave nga nxehtësia ekstreme pritet të rritet nga viti në vit.
Kluge theksoi se zonat e rrezikshme aktuale përfshijnë Evropën Jugore dhe Lindore, duke i kërkuar publikut që të kontrollojë rregullisht raportet e motit, të ndjekë udhëzimet lokale dhe të informohet për rreziqet shëndetësore që lidhen me motin.
“Përveç përshtatjes me realitetin e ri këtë verë, ne duhet të shohim vitet dhe dekadat në vazhdim”, tha Kluge duke shtuar se kriza klimatike përfaqëson një kërcënim ekzistencial për racën njerëzore.
p.k\dita
