Tri javë luftë mes Izraelit dhe Hamasit e mbi 7 mijë viktima në Gaza. Ushtria izraelite vazhdon sulmet ndaj Rripit të Gazës, me shënjestër militantët e Hamas.
Në shënjestër të ushtrisë izraelite, e cila veçse nga toka, ndihmohet edhe nga ajri me sulme, është zona e Shuja’Ija, ku mendohet se strehohen militantët e Hamasit.
Ndërkohë që edhe zona të tjera, sipas Forcave Mbrojtëse Izraelite, janë goditur po ashtu. Liderët e BE-së kërkuan një ditë më parë, pushim të luftimeve, për të lejuar ndihmat, mbetur në pritje në kufi prej ditësh.
Edhe agjencitë e Kombeve të Bashkuara thanë se po reduktojnë misionet e tyre në Gaza sepse furnizimet atje, detyrimisht edhe operacionet e shpëtimit, janë bërë thuajse të pamundura.
Hamas konfirmon se gati 50 pengjet e 7 tetorit, janë vrarë si pasojë e sulmeve izraelite, ndërsa 220 të tjerë, janë ende në duart e tyre. Që nga nisja e sulmeve nga Hamas drejt Izraelit, më 7 tetor, kanë mbetur të vrarë 1400 vetë në Izrael e mbi 7 mijë në Gaza.
j.l./ dita
