Presidentja e Kosovës, Vjosa Osmani, këtë të mërkurë gjatë një vizite në Strasburg ku është takuar me presidenten e Parlamentit Evropian, Roberta Metsola, në fjalën e saj para deputetëve të Parlamentit në një seancë plenare ka thënë se ata janë përkrah Evropës.
Në Parlamentin Evropian, presidentja Vjosa Osmani u është drejtuar serbëve duke thënë se Republika e Kosovës është shtëpia e tyre.
“Republika e Kosovës është shtëpia juaj. Do të bëjmë gjithçka që mundemi që të sigurohemi se ndiheni të përfshirë”, ka thënë Osmani.
Osmani, në fjalën e saj ka theksuar se është e rëndësishme që të qëndrojnë të bashkuar në lidhje me sigurimin e paqes dhe të lirisë në Ukrainë.
“Liri, pavarësi, demokraci, këto janë tre fjalë të rëndësishme që janë theksuar me zë të lartë nga ish presidenti Rugova. Kosova sot është e lirë e pavarur, dhe flakadan i demokracisë. Kosova është flakadan i demokracisë, po punojmë për të ruajtur këtë. Sot jam e nderuar që jam presidentja e parë që mbaj fjalën në Parlamentin Evropian. Sot jam këtu për të folur për shtetin e pavarur të Kosovës, por edhe për t’ju thënë faleminderit. Qëndroni të palëkundur pranë nesh.
Në ADN tonë janë të ngulitura vlerat e evropianëve, janë ato që na frymëzuan në të shkuarën tonë dhe në të ardhmen. Të nderuar deputetë të Parlamentit Evropian, Kosova qëndron si testament. Ekzistenca e vendit tonë tregon se çfarë tregon të qëndrosh në krahun tuaj. Kur ne të gjithë sëbashku qëndrojmë kundër tiranisë, si evropianë liri përforcohet, barazia vihet në jetë presporiteti vihet në jetë. Jam e bindur se i njëjti unitet euroatletin do ta mbështesë Ukrainën deri në fund.
Uniteti Evropian ka qenë historik, por duhet që të shkojmë më tej për fitoren e Ukrainës dhe paqen e drejtë”, ka thënë ajo.
“Para eurodeputetëve, Osmani, duke kërkuar mbështetjen e PE-së në rrugën europiane të Kosovës, rikujtoi thënien e presidentit Rugova: ‘Shtëpia nuk mbahet pa miq’ dhe në këtë kontekst, shprehu mirënjohjen e popullit të Kosovës për mbështetjen e palëkundur dhe përcaktimin se Bashkimi Evropian është destinacioni Kosovës”, tha Osmani.
j.l./ dita
