Kryeministri i Kosovës, Albin Kurti ka zhvilluar mbrëmjen e kësaj të hëne një bisedë telefonike me të dërguarin e posaçëm amerikan për Ballkanin Perëndimor, Gabriel Escobar.
Lajmi është bërë i ditur ngavetë kreu i qeverisë së Kosovës, vetëm pak ditë para takimeve në kuadërtë procesit të dialogut në Bruksel, që do të mbahet pasditen e së enjtes më datë 14 shtator.
Kryeministri Kurti njofton se me Escobar ka folur për rëndësinë e sigurimit të zbatimit të qetë dhe të shpejtë të Marrëveshjes Themelore dhe Aneksit të saj. Gjithashtu ai i ka konfirmuar atij gatishmërinë për t’u angazhuar në negociata aktive gjatë takimit të dialogut në Bruksel.
Postimi i tij i plotë:
Kisha një telefonatë me Escobar. Diskutuan rëndësinë e sigurimit të zbatimit të qetë dhe të shpejtë të Marrëveshjes Themelore dhe Aneksit të saj. Konfirmova gatishmërinë time për t’u angazhuar në negociata aktive gjatë takimit të dialogut në Bruksel dhe e falënderova për mbështetjen e SHBA-së.
Takimi i radhës i kryeministrit të Kosovës Albin Kurti, dhe presidentit të Serbisë, Aleksandër Vuçiç, do të zhvillohet më 14 shtator. Ky do të jetë takimi i parë i tyre, në kuadër të dialogut, pas shpërthimit të dhunës në veri të Kosovës në fund të muajit maj. Albin Kurti dhe Aleksandër Vuçiç herën e fundit kanë zhvilluar biseda në procesin e normalizimit të marrëdhënieve më 2 maj të këtij viti, pak ditë pas mbajtjes së zgjedhjeve në veri.
j.l./ dita
