Nga shtatori i vitit të shkuar, Partia Demokratike është bashkuar për herë të parë.
Pas më shumë se një viti, një përfaqësues i grupit të Alibeajt, Gazment Bardhi u takua për një orë në një kafe me Edi Palokën.
Ky i fundit bëri me dije se edhe pala tjetër kishte ardhur në tavolinë me vullnet dhe kërkonte një kandidat për zgjedhjet e ardhshme lokale. Por nuk u përgjigj nëse Primaret ishin instrument i mbështetur nga ta.
“Kur të kemi diçka për ju do ju njoftojmë, nuk keni nevojë të na ndiqni si sot. Nuk mund të quhet i dështuar takimi i sotëm. Ka vullnet për të dalë me një kandidat të përbashkët. Ju lutem, kaq për sot, kur të kemi diçka më shumë, do ua them”, tha Paloka.
Pas bashkimit me Ilir Metën dhe Partinë e Lirisë, kryedemokrati Sali Berisha bëri thirrje edhe për Alibeajn dhe mbështetësit e tij që t’i bashkohen për të mbështetur një kandidat të vetëm në zgjedhje.
Parimisht është pranuar diskutimi, pa kushte, e deri më tani duket se gjërat janë në rrugë të mirë për bashkim, ndërkohë që ende Gjykata e Tiranës nuk ka vendosur se kush është drejtuesi i selisë blu, teksa çështja është ende në Apel.
Po sot, edhe brenda godinës së PD-së do të ketë takime të tjera. Pasditen e sotme do të mblidhet edhe Kryesia e Partisë Demokratike, me shumë gjasa për të diskutuar propozimet e Bardhit.
j.l./ dita
