Janë publikuar pamjet nga momenti i vrasjes së 14-vjeçarit Martin Cani në shkollën Fan Noli.
Në pamjet e siguruara nga gazetari Eraldo Harlicaj, shihen qartë Martini dhe Mario që u prijnë shokëve dhe shkojnë për t’u “sqaruar” te vendi, ku dhe ndodhi vrasja.
Në pamjet filmike të mëposhtme vetëm pas disa sekondash shihet duke ikur Martini, që vrapon duke mbajtur dorën në kraharor pasi ishte qëlluar. Më pas është edhe Mario Përlleshaj që mban vetëm një thikë dhe vrapon disa sekonda vetëm për t’u rikthyer sërish, pasi i ka rënë këpuca te vendi i krimit dhe shkon ta rimarrë.
Gazetari Harlicaj, më tej thekson se referuar deklarimeve në gjyq, sipas të miturve ka qenë një nga djemtë e tjerë, ai ka goditur i pari Marion në hundë. Më pas sherri ka agravuar, duke i marrë jetën Martinit dhe duke plagosur Luisin. Luisi, në seancën gjyqësore i qëndron idesë se kanë qenë dy persona që kanë goditur me thikë, duke kërkuar rihetim të të gjithë ngjarjes. Po ashtu, avokati i Marios, ka mbështetur deklaratën e Luisit, duke ngritur alibinë se nuk ka qenë ai personi që ka qëlluar Martinin.
“Pikëpyetjet e çështjes së Martin Canit, video e ditës së ngjarjes
Në momentin që më ra në duar, këtu e një muaj më parë, dosja e Martin Canit me materialet e plota filmike, kisha shumë mëdyshje për publikimin e tyre. Zgjedhjet e 11 majit ma larguan nga mendimet për pak kohë. Kisha dhe kam pikëpyetje nëse po veproj mirë, apo gabim.
Në video, shihen qartë Martini dhe Mario që u prijnë shokëve dhe shkojnë për t’u “sqaruar” te vendi i ngjarjes. Të ndjekur nga miqtë e tyre të identifikuar. Në momentin e bisedës mes tyre, referuar dhe deklarimeve në gjyq, ka qenë një nga djemtë e tjerë, jo Martini, që ka goditur i pari Marion në hundë. Më pas sherri ka agravuar, duke i marrë jetën Martinit dhe duke plagosur Luisin. Tragjedia ka ndodhur në më pak se 1 minutë.
Në pamjet filmike, duke ikur, shihet vetëm një thikë në dorën e Marios dhe Martini që vrapon duke mbajtur dorën në kraharor. Mario më pas kthehet te vendi i krimit, pasi i ka rënë këpuca dhe shkon ta rimarrë, pritet nga dy djem të tjerë që ndodhen aty.
Luisi, shoku i plagosur i Martinit, në seancën gjyqësore u ka treguar gjyqtarëve, por dhe prokurores Alma Felaj, plagët e tij. Ai i qëndron idesë se kanë qenë dy persona që kanë goditur me thikë, duke kërkuar rihetim.
Po ashtu, avokati i Marios, autorit të dyshuar, ka mbështetur deklaratën e Luisit, duke ngritur alibinë se nuk ka qenë ai personi që ka qëlluar Martinin. Ai pranon se ka përdorur thikën, por ka plagosur Luisin. Pra, Luisi dhe Mario, pretendojnë se ka qëlluar me thikë dhe një person i tretë. Pala e Marios pretendon se nuk është ai vrasësi.
Kush është personi i tretë që po mbahet i fshehur nga të gjithë? A ekziston vërtet një person i tretë që ka goditur? Si ka mundësi që dëshmitarët kanë ndryshuar deklarimet në gjyq ndryshe nga përgjigjet që i kanë dhënë prokurores dhe pasi janë rimarrë disa herë në pyetje nga ana e Alma Felajt? Kush është i rrituri që ka goditur me shpullë Martinin ditën e premte, në sherrin që ka pasur me Marion? Kush janë djemtë që kanë pritur Marion dhe shoku që e shoqëroi në spitalin privat, ku shihet me plagë në dorë.
Gjyqtarja Marinela Osmani vendosi rihetimin e ngjarjes, pas dokumentimeve të paplota nga Prokuroria. Deklaratat e dëshmitarëve i gjeti shumë të rëndësishme për zbardhjen e së vërtetës.
Mario ende nuk ka dëshmuar. Ditën e mërkurë është seanca e radhës, ku është thirrur përpara gjykatës personi i rritur që ka goditur Martinin ditën e premte me shpullë. Ndërkohë që për përgjigjet e tjera nga sherri në shkollë, deri te arritja në spital, duhet të prisni Top Story – Top Channel e së mërkurës”, shkruan gazetari Eraldo Harlicaj.
Ne nje gazete tjeter lexova se AMA (Autoriteti i Mediave Audiovizive) ka kerkuar qe mediat e ndryshme te heqin nga qarkullimi kete vidio! Ne fakt ne kete vidio nuk shihet krimi, por vetem skena te filmuara para krimit dhe pas krimit. Pra, kjo vidio mund te ndihmoje ndonje nga protagonistet e ngjarjes te kujtohet e te deponoje ne hetuesi mbi ngjarjen. Gjithashtu i jep publikut, (edhe nxenesve te tjere te shkolles), te dhenen se cilet nxenes kane qene pjesmarres ne ngjarjen e krimit. Cfare mund te ndihmoje gjithashtu mbi te dhena te reja mbi ngjarjen ne fjale. Pra, AMA kerkon te hiqet nga qarkullimi i internetit kjo vidio, por njekohesisht AMA nuk proteston dhe ngre zerin, qe ne youtube qarkullojne vidio ne shqip me porno, me tregime pornografike mes te afermeve familjare dhe gjithfare pislleqesh! Pra AMA eshte nje institucion i papergjegjshem, d.m.th. njerez te papergjegjshem, qe duhen shtruar ne psiqiatri!