Një minë detare ka shpërthyer në Detin e Zi pranë fshatit turistik bregdetar të Rumanisë Costinesti.
Agjencia shtetërore e lajmeve Agerpres raporton se shpërthimi, i cili ndodhi pranë një skele të një hoteli, nuk shkaktoi viktima.
Më vonë gjatë ditës, një minë e dytë u zbulua pranë skelës dhe u neutralizua nga ekspertët e minave, shkruajnë mediat e huaja.
Në një zhvillim të ngjashëm, agjencia bullgare e lajmeve BTA raportoi se marina bullgare ka ndërmarrë veprime shtesë për monitorimin kundër minave për të garantuar sigurinë e anijeve dhe për të parandaluar incidentet.
Forcat dhe burimet shtesë të reagimit janë në gatishmëri në rast se merren alarme për minat lundruese.
j.l./ dita
