Parlamenti serb i ka dhënë fund debateve që zgjatën 48-orë për raportin e Kosovës.
Mbrëmjen e sotme, me 153 vota nga 186 deputetë të pranishëm, u votua raporti i qeverisë.
Në seancë merrte pjesë dhe presidenti i Serbisë Aleksandër Vuçiç.
Ndërkohë 23 deputetë votuan kundër dhe 9 deputetë zgjodhën që të mos votonin fare.
Raporti i miratuar mbulon periudhën nga Shtatori 2022 deri në mes të Janarit 2023 në lidhje me procesin e dialogut Kosovë-Serbi.
Në debatet e dy ditëve, presidenti Aleksandër Vuçiç u përball me akuzat e ashpra të opozitës, të cilët nuk ngurruan se po kryen një tradhti për çështjen e Kosovës, madje pasi edhe përplasje fizike që u neutralizuan nga Garda.
Vetë presidenti Aleksandër Vuçiç gjatë diskutimeve në Parlament bëri të ditur se 90 përqind e planit franko-gjerman i dalë në media ishte i saktë dhe se pika më e kontestueshme është mos kundërshtimi i Beogradit për pranimin e Kosovës në institucionet ndërkombëtare.
m.b./dita
