Klubi i Partizanit ka reaguar në lidhje me lajmin e publikuar në shtypin e shkruar ku bëhej me dije se të kuqtë kishin pa paguar afro 95 milionë lekë në Drejtorinë e Përgjithshme të Tatimeve.
Përmes një dokumenti të publikuar, tregohet se kampionët e Shqipërisë kanë likuiduar në masën 100 përqind detyrimet në shtet duke qenë në këtë mënyrë korrekt, ndryshe nga sa ishte raportuar në media.
Kujtojmë që 17 herë kampionët e vendit do të luajnë të enjten kundër Valmieras në kuadër të turit të tretë të Conference League.
Në një moment kur përgatitjet janë intensive për këtë ndeshje, vjen ky lajm që me sa duket nuk i ka shqetësuar aspak të kuqtë, përkundrazi përmes letrave kanë treguar se nuk kanë asnjë detyrim karshi Drejtorisë së Përgjithshme të Tatimeve.
