Prokuroria e Posaçme i ka komunikuar akuzat për aferën e inceneratorëve ish-zv.kryeministrit, Arben Ahmetajt përmes avokatit të tij.
Ndaj Arben Ahmetajt janë ngritur akuzat për korrupsion, pastrim parash dhe fshehje pasurive.
Avokati i ish-zv.kryeministrit, Henrik Ligori, nuk pranoi të bënte komente për mediat, por deklaroi se iu ishte komunikuar zyrtarisht akuza.
Përfaqësuesit ligjor të Arben Ahmetaj, i cili ka kërkur azil në Zvicër, i janë bërë me dije të gjitha aktet e fashikullit hetimor në ngarkim të ish-zv.kryeministrit.
Zyrtarisht janë tre të pandehur për aferën e inceneratorëve, Klodian Zoto, Mirel Mërtiri dhe Arben Ahmetaj.
Ahmetaj, sipas hetimeve të kryera nga SPAK, në kohën kur ka mbajtur poste të rëndësishme në në kabinetin qeveritar ka përfituar nga bosët e inceneratorëve ryshfete të ndryshme nga pasuri të paluajtshme, pagesa të udhëtimeve dhe dhurata të ndryshme.
Ndërkohë në Prokurorinë e Posaçme pritet të shkojë edhe avokati i Albina Mançkës, ish-bashkëshortes së Arben Ahmetajt.
Mësohet se SPAK ka komunikuar të njëjtat akuza për dy bosët e inceneratorëve, ato të “korrupsionit” dhe “pastrimit të parave”.
Biznesmeni Mirel Mërtiri është shpallur në kërkim ndërkombëtar nga policia, pas urdhër-arrestit të lëshuar nga SPAK.
Kujtojmë se Prokuroria e Posaçme akuzoi zyrtarisht biznesmenin Mirel Mërtiri për korrupsion dhe pastrim parash në lidhje me aferën e inceneratorit të Elbasanit më 15 nëntor 2022.
Në njoftim saktësohet se shtetasit Mirel Mërtiri, Stela Gugallja dhe Klodian Zoto, kanë konsumuar veprat penale të “Korrupsionit aktiv i funksionarëve të lartë shtetërorë” kryer në bashkëpunim dhe “Pastrim i produkteve të veprës penale e kryer në rrethana cilësuese në bashkëpunim”, thuhej asokohe në aktakuzën e SPAK-ut.
Ndërkohë, në kërkim më herët u shpallën Stela Gugallja dhe biznesmeni tjetër Klodian Zoto. Gugallja u paraqit në gjykatën austriake, ndërsa u saktësua se Prokuroria e Posaçme u njoftua se në Gjykatën e Vjenës, në Austri, është duke u kryer procedura e ekstradimit të shtetases Stela Gugallja, nga Austria në Shqipëri, në zbatim të urdhrit të kërkimit ndërkombëtar për këtë shtetase.
Mirëpo në lidhje me këtë fakt, Policia e Shtetit, mohoi të kishte ndonjë arrestim, apo ndalim të Gugalles, përveç faktit se ajo aktualisht qëndron në Vjenë! Mirëpo nga ana e autoriteteve tona bëhet me dije se për këtë qëllim, Prokuroria e Posaçme ka përcjellë nëpërmjet Ministrisë së Drejtësisë të gjithë dokumentacionin e nevojshëm për procedurën e ekstradimit të Gugalles, ndërkohë që në fakt për Mërtirin nuk kishte deri dje asnjë urdhër-arrest ndërkombëtar.
j.l./ dita
Filiqylsi , ishminister i finacave , jam i bindur se nuk e di se per cfare e akuzojne.Ne filologjik nuk e ka degjuar ndonjehere se cfare jane shkeljet ligjore financjare!Pergjesine e kane ata qe e kane emeruar!Burgun do ta beje filoqylsi qe pranoi nje pune qe nuk e njeh!
Vereni ca kete Kakofoni qe prodhon SPAK – “Biznesmeni Mertiri eshte shpallur ne kerkim nderkombetar” e pastaj ne fund “nderkohe qe ne fakt per Mertirin nuk kishte deri dje asnje urdher-arrest nderkombetar”
Kurse per zevendes-Ramen ne qeverine Rilindja nuk ja nxe goja te thone se nuk ka kurrfare shpallje ne kerkim nderkombetar – Ahmetaj per shume kohe nr-2 i Rilindjes po shkon jeten ne Zvicer, jep intervista qe andej e ka kerkuar edhe Azil atje…