Pensionistët dhe minatorët janë përplasur me policinë gjatë protestës para Kuvendit.
Ata janë ngritur në protesta për rritjen e pensioneve dhe statusin e minatorit. Mirëpo, kjo protestë është shoqëruar edhe me tensione dhe përplasje.
“Na hapni rrugën. Mos na prekni me dorë”, dëgjohet teksa thotë një nga protestuesit. Ndërkohë një tjetër iu drejtohet forcave të Policisë ‘turp të keni!’.
Protestës së tyre iu bashkua edhe deputeti i opozitës Oerd Bylykbashi, mirëpo nuk u pranua nga minatorët.
Një prej tyre papritur është ndjerë keq dhe është shtrirë përtokë, ndërsa është shprehur se ka probleme me zemrën dhe diabetin.
Një tjetër prej tyre i është drejtuar Parlamentit me një megafon, por është ndaluar nga një efektiv i Policisë, i cili e ka tërhequr pas.
j.l./ dita
