Ateroskleroza është një gjendje potencialisht vdekjeprurëse që zhvillohet kur depozitat yndyrore grumbullohen përgjatë mureve të arterieve, duke rezultuar në trashjen ose ngurtësimin e këtyre kanaleve jetësore.
Arteriet luajnë rolin vendimtar të shpërndarjes së oksigjenit dhe lëndëve ushqyese në çdo organ, ind dhe qelizë në trupin tonë, kështu që është e domosdoshme që ato të mbeten të shëndetshme dhe të lira nga grumbullimi i yndyrës.
Dështimi për të mbajtur një rrjedhje normale dhe të shëndetshme të gjakut mund të rezultojë në sëmundje të zemrës, sulme në zemër dhe goditje në tru. Ushtrimi i rregullt është një mënyrë për t’i mbajtur këto enë në gjendje të mirë.
Peshku i yndyrshëm
Peshku me yndyrë, duke përfshirë salmonin, açugat, sardelet dhe harengën, janë një burim i shkëlqyer me lëndë ushqyese thelbësore dhe një burim i fuqishëm i yndyrave omega-3. Këto yndyrna të fuqishme anti-inflamatore mund të ndihmojnë në reduktimin e rrezikut të inflamacionit vaskular dhe aterosklerozës, një trashje ose ngurtësim të arterieve.
Frutat e pyllit
Manaferrat, luleshtrydhet dhe boronicat, janë fruta me përfitime të mëdha shëndetësore. Të mbushura me fibra, vitamina, minerale dhe komponime bimore, frutat e pyllit bëjnë mrekulli për shëndetin arterial.
Agrumet
Agrumet janë fruta të mbushur plot vlera. Ato janë të pasura me komponime polifenolike të quajtura flavonoide, të cilat kanë veti të fuqishme antioksiduese. Agrumet me pak sheqer janë ato për të zgjedhur, të tilla si grejpfruti. Flavonoidet e agrumeve mund të ulin inflamacionin dhe ndihmojnë në parandalimin e radikalëve të lirë në trup nga oksidimi i kolesterolit LDL.
Fara liri
Farat e lirit janë një burim i shkëlqyer i omega-3 me bazë bimore anti-inflamatore, marrja e rregullt e farave të lirit është shoqëruar me uljen e niveleve të sheqerit në gjak dhe insulinës.
Vaj ulliri ekstra i virgjër
Vaji i ullirit është i njohur për reduktimin e rrezikut të sulmeve në zemër dhe goditjeve në tru, dhe mund të ndihmojë në uljen e rrezikut të aterosklerozës.
p.k\dita
