Zhvillime të reja nga lufta Izrael-Palestinë.
Pas përfundimit të armëpushimit, lufta mes palëve ka nisur sërish.
Ushtria izraelite ka njoftuar se ka rifilluar operacionet e saj kundër lëvizjes palestineze Hamas në Rripin e Gazës.
Ai akuzoi Hamasin për shkeljen e kushteve të një armëpushimi që kishte qenë në fuqi që nga 24 nëntori duke hapur zjarr në territorin izraelit.
Sipas mediave palestineze, sektorët veriorë të Rripit të Gazës po bombardohen.
Një zëdhënës i ministrisë së Shëndetësisë i drejtuar nga Hamas njofton se 6 palestinezë u vranë të premten në mëngjes në një sulm ajror izraelit në qytetin Rafah, një qytet në Gazën jugore.
Ndërkohë, dy fëmijë u vranë në sulmet ajrore në qytetin e Gazës në veri.
Kryeministri izraelit, Benjamin Netanyahu shprehet se Hamasi nuk ka pranuar të lirojë pengje të tjera, dhe se në këtë mënyrë ka shkelur kushtet e armëpushimit.
“Hamasi nuk i liroi të gjitha gratë pengjet siç ishte rënë dakord dhe sulmoi Izraelin me raketa këtë mëngjes”, thuhet në reagimin zyrtar.
Më tej, zyra e tij shton se Izraeli mbetet i përkushtuar për arritjen e objektivave të tij të lirojë pengjet, të eliminojë Hamasin dhe të sigurojë që Gaza kurrë nuk do të përbëjë kërcënim për banorët e Izraelit.
Sipas Izraelit, Hamasi ka lëshuar një raketë në territorin e izraelit duke shkelur kështu armëpushimin.
j.l./ dita
