Në dosjen e aksionit Metamorfoza në bisedat me të arrestuarve shfaqet edhe emri i Rebani Jaupit, në atë kohë, Drejtor i Policisë së Tiranës.
Biznesmeni Pëllumb Gjoka kishte një kazino, që nuk lejohej nga ligji dhe për të cilën, sipas përgjimeve në dosjen e SPAK ishte ankuar vetë ministri i Brendshëm, Sandër Lleshi.
Pellumb Gjoka duke përdorur 7142D9 komunikon me përdoruesin e DB7ED1. Ky i fundit i shkruan: “O vlla keq puna me keto. Me thirrën lart, se mbajmë dot pikën aty. A tju q**sh ropt këtyre. S’e di. Më duket se është interesuar Leshi vetë por mos fol me asnjë. Lidhje shoqërore e jotja etj. Sigurohu që s’të ndjek njeri dhe eja lart tek fshati sos pll brigadave te hoteli i Gaz Brahja”.
Në komunikimet që ka në dosje flitet vazhdimisht për çështjen e kazinosë me ‘Rebaniun’, madje edhe për një “Ardi”, tjetër polic që përmendet në komunikimet mes tij dhe Pëllumb Gjokës.
“ka frikë rebaniu se i paskan thënë për këtë rastin dhe është tremb”, Prit një herë të mbarojë aksioni. Unë e bëra për ty këtë se s’më ngrenë ato 1500 euro që marr. Se veç për ty e lashë. është muhabet vk. Edhe për anë morale më tepër. Se vetëm stres. Vetëm këto sa bëjnë, ti lutem rebos aman. Ai lekët do marri dhe kot i merr. Se di pse ka frikë”.
Në atë kohë Rebani Jaupi ishte Drejtor i Policisë së Tiranës dhe informacionet që vinin për Pëllumb Gjokën kanë të bëjnë me një operacion të quajtur “Fati i lojrave”.
