Për dy ditë me radhë, Peza Adventure Festival mblodhi këtë fundjavë admiruesit e hipizimit, por edhe sportistë profesionistë në aventurat sportive me kuaj, pak të praktikuar në vendin tonë, por me një histori të veçantë ndër vite.
Kreu i Bashkisë së Tiranës, Erion Veliaj, i pranishëm në hapjen e festivalit, u shpreh se kryeqyteti gjithnjë e më shumë po kthehet në një pol shumëdimensional sa i përket sporteve, duke përmendur edhe triumfatorët, të cilët vetëm vitin e fundit i kanë dhënë Shqipërisë tre medalje ari.
“Kemi bërë progres në shumë disiplina sportive: Jemi kampionë europe në atletikë, jemi kampionë bote në mundje dhe në peshëngritje; tashmë, do të duhet të inkurajojmë edhe sportistët që ta bëjnë pjesë të refrenit tonë edhe sportin e hipizmit, të qenit afër me natyrën, jetën e shëndetshme,” u shpreh ai.
Tirana – tha Veliaj – është e mbushur si kurrë më parë me turistë, por edhe me mjaft aktivitete. “Para një jave kishim Festivalin e Nomadëve Digjitalë, pastaj festën e verës “Made in Tirana”,” tha ai, duke shtuar se së shpejti produktet dhe eventet lokale do kthehen në ‘brand’ për çdo lokalitet të Tiranës.
“Ashtu siç e kemi branduar Pezën me Festën e Pezës dhe këtë festival të aventurës, ashtu siç Shëngjergjin e identifikojmë me Festën e Domates së vonë, ashtu siç emri i Farkës fokusohet te prodhimi i verës dhe i rakisë, duam që këtë trend ta çojmë në të gjitha lokalitetet dhe periferitë e Tiranës. Nuk besoj se ka një vend si Tirana, e cila ndodhet strategjikisht afër detit dhe afër malit, e rrethuar nga e gjithë kjo kurorë,” theksoi ai.
Veliaj nuk la pa nënvizuar edhe numrin e madh të turistëve, që këtë vit kanë vizituar Tiranën, pikërisht të tërhequr nga ky ‘boom’ aktivitetesh.
“Ka qenë ndoshta viti më i paharruar i Tiranës, për sa i takon aktiviteteve. Për herë të parë, pa mbaruar viti, kemi kaluar numrin e turistëve krahasuar me numrin e banorëve. Nëse vazhdojmë me këtë trend, nëse hotelet i kemi plot, nëse restorantet, siç pashë duke ardhur në Pezë, i kemi plot, këto janë të gjitha para që lëvizin në ekonomi,” tha Veliaj.
Përmes këtij festivali Bashkia e Tiranës synon jo vetëm të rikthejë traditën e garave me kuaj, por dhe të promovojë vlerat natyrore e kulturore të zonës dhe rëndësinë që kanë soprtet e në veçanti hipizmi për shëndetin e njeriut.
Po cfare u be Peza mor kodosh~Las Vegas? Numri turisteve Hipi ne Peze i ka kaluar banoret e Tiranes?DMTH,,1 miljon hypista kane zbarku ne Peze..Po pat mbet ndonje fabrike tullash leckash,katrama,tallash, vini flaken edhe asaj,,se Rama me Veline,do ta gostisin kete popull me EKONOMI AHENGU,TALLAVA,
Feste pijesh,dite vere,gurabie elbasoni,petanik Korce..Kjo eshte Ekonomia sipas Rames dhe Velise.
Mos punoni,Mos prodhoni,,Qeff,qef or ti! Rally,maqina,motorra,gomare e kuaj sa ne Peze e sa ne Preze,,Kjo eshte Ekonomia Madhe,,se Turistat i kane xhepat e shpume,I bijne dollaret,qe ti mbledhin Shqiptaret.
Po po o Velo, Peza dhe Ukraina
Hajd hajd si tallen me popullin.
ne rrim e komentojm te dita.
un ende jam i vogël, po ju patronazhistët që ju paguan ramuti e saliserb gërdeci a i keni të shpuar xhepat.