Sulmi i qenit Pit Bull i ndodhur në 2 nëntor 2023 në qytetin e Durrësit, i ka sjellë dëme të pariparueshme ndaj shëndetit të moshuarit Halil Basha. Sipas “Ora News”, 84-vjeçari ka humbur njërin nga veshët dhe protezat e dhëmbëve. Veshi dhe dhëmbët i janë shkulur pikërisht nga qeni i Armand Lalës, ky i fundit tashmë i proceduar për akuzën e “Braktisja e kafshëve të shoqëruara”.
Basha, duke u gjendur në këto kushte ka shkuar menjëherë në spitalin rajonal Durrës dhe ka parë xhaxhain e tij Halil Basha, të kafshuar nga qeni në kokë dhe në disa vende në trup, duke i këputur dhe njërin vesh.
Në deklarimin ndaj të cilit zhvillohen hetimet, shtetasit Armand Lala ka deklaruar se në lidhje me ngjarjen ka thënë se:
‘Ai banon në adresën e lartpërmendur dhe ka 3 (tre) qenë Pit-bull, ku dy janë me ngjyrë kafe, ndërsa njëri është me ngjyrë të bardhë.
Ai këta qen i ka marrë që këlysh të vegjël dhe i ka rritur vetë, ku sot janë rreth 2 vjeç. Atë banesë ku jeton, ia ka marrë me qera shtetasve Fatmir Jakupi dhe Mynevere Jakupi në muajin Mars 2023.
Ai sot ka qenë në punë dhe ka lënë 3 (tre) qentë brenda rrethimit të banesës dhe kur ka ardhur nga puna i kanë thënë komshinjtë se, qeni i bardhë ka sulmuar dhe kafshuar shtetasin Halil Basha i moshuar, të cilit i ka këputur edhe veshin dhe ndodhet në spital.
Ai deklaron se i vjen keq për shtetasin Halit Basha, të cilin e ka kafshuar qeni i tij i bardhë “Pit-bull”, banorë të cilin ai e njeh dhe është i moshës së thyer. Ai i kërkon ndjesë për dëmtimin që i ka bërë qeni i tij’.
p.c. / dita
