Një mosmarrëveshje për afatin e qëndrimit në një dhomë me qira ka përfunduar me plagosjen e pronarit të banesës në lagjen “10 Korriku” të Vlorës.
Mësohet se ngjarja ka ndodhur sot rreth orës 09:00.
Sipas policisë, konflikti nisi si debat verbal midis pronarit B.L., 53 vjeç, dhe qiramarrësit Klevis Aliaj, 36 vjeç, dhe më pas degjeneroi në përleshje fizike.
Gjatë konfliktit, Aliaj dyshohet se ka goditur pronarin me një mjet të mprehtë, duke i shkaktuar lëndime të lehta.
B.L. u transportua në spital dhe ndodhet jashtë rrezikut për jetën.
I dyshuari është shoqëruar në komisariat për veprime të mëtejshme procedurale, ndërsa grupi hetimor po punon për sqarimin e plotë të ngjarjes dhe përcaktimin e përgjegjësive ligjore.
Njoftimi i Policisë:
Ngjarja ka ndodhur sot, rreth orës 09:00, në lagjen “10 Korriku” të Vlorës.
Ka qenë një debat verbal mes shtetasit B. L., 53 vjeç, dhe qiramarrësit Klevis Aliaj, 36 vjeç, që më pas është shndërruar në përleshje fizike.
Gjatë konfliktit, Aliaj dyshohet se ka goditur me mjet të mprehtë pronarin e banesës, duke i shkaktuar dëmtime të lehta.
53-vjeçari është transportuar në spital, ku ndodhet jashtë rrezikut për jetën.
I dyshuari është shoqëruar në ambientet e Komisariatit të Policisë Vlorë për veprime të mëtejshme procedurale.
Grupi hetimor po punon për zbardhjen e plotë të ngjarjes dhe përcaktimin e përgjegjësive ligjore.
j.l./ dita
