Kosovës dhe Serbisë nuk do t’iu ndahen para tani për tani në fazën e para-financimit nga Plani i Rritjes i Bashkimit Evropian për Ballkanin Perëndimor, tha të enjten zëdhënësi i Komisionit Evropian, Guillaume Mercier.
“Mund ta konfirmojë se në këtë fazë nuk ka para-financim për Serbinë dhe Kosovën”, tha Mercier për media.
Mercier tha se ende nuk është bërë një vlerësim nëse Kosova dhe Serbia e kanë plotësuar parakushtin për të filluar të përfitojnë nga Plani i Rritjes 6 miliardë eurosh.
Parakusht për Kosovën dhe Serbinë është edhe angazhimi i tyre në normalizimin e marrëdhënieve mes vete, përfshirë zbatimin e obligimeve nga dialogu që e lehtëson BE-ja.
Por, së fundmi, Kosova dhe Serbia kanë thelluar mospajtimet, duke ia ndaluar vizitat zyrtarëve të njëra-tjetrës në vendet përkatëse. Kosova gjithashtu e ka akuzuar Serbinë për nuk ka “asnjë interes” për t’i normalizuar marrëdhëniet me të, pasi ajo protestoi ashpër ndaj vendimit të Kenias për ta njohur pavarësinë e Kosovës.
“Në këtë fazë s’mund të konfirmojë nëse parakushti është plotësuar apo jo. Do të shpjegohet kur të merret një vendim sa i përket para-financimit”, shpjegoi Mercier.
Njoftimi i tij vjen disa ditë pasi Shqipëria dhe Maqedonia e Veriut u bënë vendet e para të rajonit që përfitojnë nga pagesat e para-financimit nga Plani i Rritjes për Ballkanin Perëndimor.
i.b./dita
Amerika dhe Europa nuk financojne Qeverine Albin Kurti, nuk e duan.
Nuk duan ti bejne keq Kosoves, por duan ti japin zgjidhej problemit ne Kosove, duan te heqin mijera ushtare te dislokuar ne Veri. Ata do vendosin nje date terheqje, nqse Kosova nuk e zgjidh problemin me Europen, atehere kufiri nuk ruhet me prej tyre, ose ata do i kerkojne Kosoves Trepcen ne kembim te mbrojtjes, te njeten qe beri Trump me Ukrainen.
Albin Kurti nuk do qe konflikti Serbi-Kosove te zgjidhet, kerkon ta mbaj perjete kete konflikt te ndezur, vetem keshtu rri ne pushtet.
Kosova nuk e kepton kete gje, do ta vuaje.