Një aksident me vdekje është regjistruar këtë mëngjes në Dushk në Lushnjë. Një person është përplasur nga furgon dhe si pasojë e plagëve të marra ka humbur jetën.
Bëhet fjalë për një grua të moshës rreth 60 vjeç, e cila ka qenë duke kaluar autostradën Rrogozhinë-Lushnje mbi trafikndarësen e betonit është përplasur nga furgoni. Viktima ende nuk është identifikuar, por dyshohet se ishte endacake.
Drejtuesi i furgonit është shoqëruar nga policia dhe po pyetet për rrethanat. Grupi hetimor po punon për zbardhjen e ngjarjes.
“Në aksin rrugor “Çermë-Lushnjë”, në fshatin Dushk, automjeti tip “Benz” që drejtohej nga shtetasi O. Gj., 30 vjeç, ka aksidentuar një këmbësore (dyshohet endacake), e cila ka ndërruar jetë. Drejtuesi i automjetit është shoqëruar në Komisariatin e Policisë për veprime të mëtejshme. Grupi hetimor po punon për përcaktimin e shkakut të aksidentit dhe identifikimin e shtetases që ka ndërruar jetë”, njofton policia.
