Mario Mitaj është padyshim një nga talentet më të mëdha shqiptarë të dalë gjatë viteve të fundit. Mbrojtësi, i cili u largua nga Rusia gjatë verës, po shkëlqen tashmë në radhët e skuadrës arabe të Al Ittihad, ku bëjnë pjesë edhe futbollistë të klasit botërorë si Benzema e Kante.
Paraqitjet e fundit kanë bërë që shumë klube të hedhin sytë nga shqiptari. Për këtë interes ka folur së fundmi edhe babai i futbollistit, i cili thekson se djali i tij aktualisht është i fokusuar te skuadra arabe.
“Është shumë herët të flasim për djalin tim që të largohet nga Lokomotiva. Nuk ka asgjë zyrtare nga këto klube. Diçka e mirë është se klubi ku Mitaj po luan aktualisht kanë besim tek ai dhe e aktivizojnë. Prandaj ne nuk mendojmë për asgjë tjetër, përderisa nuk ka asgjë zyrtare”, u shpreh babai i Mitajt.
