Gjykata e Posaçme kundër Korrupsionit dhe Krimit te Organizuar ka caktuar masat e sigurimit “arrest ne burg” për 6 të arrestuarit ne kuadrin e operacionit “Flakë deti”.

Masa e sigurisë arrest me burg:

1. Arlind Ismailukaj, 47 vjeç, banues në Tiranë
2. Armando Mema, 37 vjeç, banues në Tiranë
3. Nerim Çela, 40 vjeç, banues në Fushë Kuqe, Laç
4. Besnik Brokeri, 51 vjeç, banues në Vlorë
5. Kyrylo Ponomarenko, 39 vjeç, banues në Ukrainë
6. Kostiantyn Biellon, 44 vjeç, banues në Ukrainë.

Arlind Ismailukes, ish-policit në kroskotin e makinës i kanë gjetur 10 mijë euro.

Ky operacionin ndërkombëtar antidrogë është kryer kryer në bashkëpunim me Guardia di Financa dhe DEA-n amerikane. Zëvendës drejtori i Përgjithshëm i policisë së Shtetit, Sokol Bizhga theksoi të mërkurën se janë sekuestruar 23 kilogramë lëndë narkotike.

Bizhga shtoi se droga është gjetur pranë vendit ku është djegur veliera që vinte nga Mali i Zi, në të cilën ndodheshin dy shtetas ukrainas. Janë sekuestruar gjithashtu 45 mijë euro si edhe dy armë zjarri.  Sipas Bizhgajt, droga e kapur në vendin ku u dogj veliera kishtesi  destinacion tregun ndërkombëtar.

“Një mjet lundrues veliera, ku ndodheshin dy trafikantë të huaj, në momentin kur u rrethuan nga mjetet lundruese të policisë së shtetit dhe të Guarda di Financas, i është vënë flaka për të djegur sendet e paligjshme që ndodheshin në të. Në këtë operacion u sekuestruan dy armë zjarri, 200 fishekë luftarakë kalibër 9 dhe model 54, një automjet Audi, katër aparate DVR për pamjet filmike si dhe vlera monetare: 45 mijë euro, 2.5 milion lekë të vjetra, 500 paund, 50 franga zvicerane, 2 mijë lira turke”, theksoi ai.

p.k\dita