Kategoria e Dytë e futbollit në Shqipëri ka zhvilluar sot katër ndeshjet play-off dhe një play-out. Në grupin A, Veleçiku fitoi 4-0 me Naftëtarin dhe Valbona mundi 2-0 Sopotin. Tanimë në garë për një biletë në Kategorinë e Parë do jenë Veleçiku dhe Valbona, që do përballen mes tyre. Në grupin B play-off, Pogradeci mundi 3-1 Devollin, teksa Labëria fitoi në Nartë 1-0 me Butrintin. Në këtë grup, më tej vijojnë garën play-off Pogradeci – Labëria, që do përballen mes tyre.
Në zonën play-out, Gramshi mundi 4-0 Tepelenën duke siguruar qëndrimin në Kategorinë e Dytë. Tepelena ka edhe një shans për të qëndruar në të Dytën, teksa do luajë me vendin e tretë në Kategorinë e Tretë. Në 18:00 në “Air Albania” ka nisur të luhet ndeshja mes Vorës dhe Elbasanit, dy skuadrave fituese në dy grupet përkatëse, për të përcaktuar kampionin e madh të Kategorisë së Dytë, teksa siguruan ngjitjen në të Parën pak ditë më parë.
KATEGORIA E DYTË – E enjte
PLAY OFF / GRUPI A
Veleçiku 4-0 Naftëtari
Valbona 2-0 Sopoti
PLAY OFF / GRUPI B
Pogradeci 3-1 Devolli
Labëria 1-0 Butrinti
PLAY OUT
Gramshi 4-0 Tepelena
