Policia e Tiranës ka reaguar lidhur me një video të publikuar në media dhe rrjetet sociale, ku shfaqet një shtetas italian i dëmtuar lehtë në zonën pas Pallatit të Kulturës në kryeqytet.
Sipas Policisë, ngjarja ka ndodhur rreth orës 22:00 të datës 29 korrik 2026 dhe është trajtuar menjëherë nga shërbimet e Komisariatit të Policisë Nr. 1 për veprën penale “Plagosja e lehtë me dashje”.
Në njoftim bëhet me dije se, pas sinjalizimit të marrë nga Salla Operative për një konflikt, efektivët kanë mbërritur në vendngjarje, ku kanë konstatuar shtetasin italian me inicialet G. M., i cili kishte pësuar dëmtime të lehta sipërfaqësore. Në momentin e ndërhyrjes, pranë tij ndodheshin edhe dy shokët që e shoqëronin, ndërsa ndihmën e parë ia kishin dhënë punonjës të Policisë Bashkiake që ndodheshin në afërsi.
Më tej, sipas policisë, shtetasi italian është transportuar në spital për të marrë ndihmë mjekësore. Sipas personelit shëndetësor dhe kartelës mjekësore, ai ka qenë i vetëdijshëm, jashtë rrezikut për jetën dhe me dëmtime të lehta në gjymtyrë. Megjithatë, pas marrjes së ndihmës së parë, ai është larguar me dëshirën e tij, pa përfunduar ekzaminimet mjekësore dhe pa njoftuar stafin mjekësor.
Policia bën të ditur se shtetasi italian nuk ka pranuar të bëjë kallëzim për konfliktin apo të identifikojë personat që e kanë dëmtuar. Po ashtu, as dy personat që e shoqëronin nuk kanë dhënë informacion mbi rrethanat e ngjarjes.
Pavarësisht mungesës së kallëzimit, grupi hetimor ka vijuar hetimet. Nga këqyrja e pamjeve filmike ka rezultuar se shtetasi italian ishte përfshirë në një konflikt me një grup të miturish në pjesën e pasme të Pallatit të Kulturës.
Policia e Tiranës thekson se hetimet vijojnë për zbardhjen e plotë të rrethanave të ngjarjes, identifikimin e personave të përfshirë dhe dokumentimin e plotë ligjor të rastit.
Po mblidhyni ate banden e te miturve,mu ne oborrin e komisarjatit faqe prinderve,i hyni me shpulla qe te mos preken te drejtat e te miturve, Nuk ka nevoje as per burg,as per ndalim.Edhe prindet do tju falenderojne.
Se po i late pa ja ndezur turinjte,neser paisen me arme te ftofta,arme te ngrofta,bejne hatane.
Si eshte rinia sot do jete atdheu neser.Po behemi fidanishte kriminelash.Duhet ngritur pa vonese SHKOLLA E VAGABONDEVE qe ishte dikur ne vitet e arta te Enverit
Në vitet e argjendta të Berishokracisë dhe Ramokracisë s’është e nevojshme té hapën shkolla të tilla, sepse vetë shoqëria e tashme shqiptarë asht një shkolle vagabondash ku teoria e praktika jepen falas, bash si ajri që frymënxirret…
☕☕
Baballaret e ketyre jane biznesqena. Policia punon per ata.
Në vitet e argjendta të Berishokracisë dhe Ramokracisë s’është e nevojshme té hapën shkolla të tilla, sepse vetë shoqëria e tashme shqiptarë asht një shkolle vagabondash ku teoria e praktika jepen falas, bash si ajri që frymënxirret…
☕🥴☕