Një tjetër ngjarje e rëndë është raportuar mbrëmjen e së mërkurës nga Elbasani, e cila fillimisht u dyshua se ishte vrasje.
Por sipas informacionit të policisë, mësohet se viktima ka plagosur veten me thikë dhe si pasojë e plagës ka humbur jetën në spital.
Viktima quhet Sali Hajdari 33 vjeç dhe sipas policisë, vuante nga probleme të shëndetit mendor.
Grupi hetimor po punon për sqarimin e plotë të rrethanave të ngjarjes.
Informacioni i Policisë:
Rreth orës 19.00, në lagjen “Dyli Haxhire”, shtetasi Sali Hajdari 33 vjeç, dyshohet se ka plagosur veten me thikë dhe si pasojë e plagës ka humbur jetën në spital. Nga veprimet e para hetimore rezulton se 33-vjeçari dyshohet se vuante nga probleme të shëndetit mendor dhe ka dëmtuar veten me thikë në zemër. Grupi hetimor po punon për sqarimin e plotë të rrethanave të ngjarjes.
m.b./dita
