Libani nuk mund të pretendojë se është i pafajshëm kur Izraeli sulmohet nga Hezbollahu, tha presidenti izraelit Isaac Herzog në konferencën e shtypit të mbajtur sot me presidentin francez Emmanuel Macron.
“Duhet të jetë e qartë se Libani do të paguajë “çmimin” nëse shpërthen lufta me Hezbollahun, tha ai.
Sipas tij, Hezbollahu “po luan me zjarrin”.
“Ne nuk po kërkojmë një konfrontim në kufirin tonë verior apo me dikë tjetër”, tha më tej Herzog.
Franca u ka “transmetuar mesazhe” grupeve të tjera që “potencialisht duan të bashkohen me konfliktin” për t’i paralajmëruar që të mos e bëjnë këtë”, deklaroi presidenti francez Macron.
Herzog tha gjithashtu se “30 fëmijë janë atje” pasi janë rrëmbyer nga militantët e Hamasit.
Ka pasur një rritje të përleshjeve midis Izraelit dhe Hezbollahut, një lëvizje islamike e mbështetur nga Irani që ka bazën e saj kryesore në kufirin Izrael-Liban. Të hënën, ministri i informacionit i Libanit tha se qeveria “nuk dëshiron luftë” me Izraelin, por se kërcënimet nga Izraeli janë bërë një “dukuri e vazhdueshme”.
p.k\dita
