Ramadan Makolli, një shqiptar nga Kosova, ka qenë pronar i mjetit ‘Range Rover’ me të cilin u sulmua Top Channel.
Ai thotë se makina iu vodh në Lezhë 3 vite më parë dhe se ka zbuluar se makina iu vodh nga roja i hotelit në Shëngjin, ku kishte shkuar për pushime.
“Range Rover” me të cilin është sulmuar Top Channel, ka qenë veturë e imja deri më 10 korrik të 2020-ës, por ajo m’u vodh nga roja i hotelit, ku po qëndroja në Shëngjin me pushime atëherë. Unë i kam pa lajmet që vetura ka qenë me targa të huaja në momentin kur është gjetur e djegur pas sulmit që ka ndodh. Ato targa nuk e di kur ia kanë nxjerrë, që po më duket kanë qenë angleze, por mu kur ma kanë vjedhë veturën para tre vjetëve, targat e saj kanë qenë 01, pra, të Kosovës”, tha Makolli.
Ai thotë se fillimisht policia nuk e ka besuar se i është vjedhur makina.
Më poshtë deklarata e tij e plotë:
“Unë e kam dosjen komplet kur mu ka vjedh vetura para restorantit. Policia e kufirit për Krime të Randa ata e kanë gjet përmes numrit të kerrit, se kerri është krejtësisht i djegur. Me kanë informuar policia e Kosovës, e kanë lyp në Shqipëri nuk ka rezultuar, kur kanë thirrë në Kosovë ka dal që është kerri i Kosovës edhe i njëjti më është vjedhë para 3 vjet e kam me datë se e kam lajmëruar policinë e prokurorinë atje. Bile ata nuk kanë dashtë me m’dhanë as informata, as dokumente që mu ka vjedhë kerri, me zor e kam marrë, por nuk dojsha mu kthy kurrqysh se nuk kisha dokument.
Me iniciative temën ma kanë dhanë një dokument të prokurorisë edhe ma kanë mbyll lëndën si proces pa më thirrë, as pa më marrë në pyetje. Mu ka desht me avokat me hap procedurën. Ata e kanë shpreh edhe atëherë se kosovari ka mujt me vjedhë vetë veturën sepse si ka pas dy çelësa. Unë dy çelësa si marrë kurrë, vetëm një e marrë. Si rast është rast interesant. Unë e kam pritë nga shteti që ka me pas interesim, kam shku në Ambasadë të Kosovës atje janë interesu. E kam lajmëru edhe policinë tonë, më kanë thënë që kjo punë është e INTERPOL-it dhe në momentin që gjendet vetura, vetë shteti shqiptar e lajmëron në INTERPOL.
Me dokumente, me librezë me gjësende me tesha me krejt mu kanë vjedhë. I kam incizimet që ka qenë vetura e parkuar. Restoranti i ka fikë dritat, veç kur dhezet, vetura hetohet, ata për 3 minuta e kanë dhezë kerrin tem. Dyshimet i kam pas gjithë…
Tash kur vidhet diçka para shtëpisë teme, unë e kam një lloj përgjegjësie, në momentin që jam ndal me pushu kam pas garanci prej pronarit të hotelit që gjithçka që ndodh ai ka përgjegjësi.
Mu ka kthy një siklet, sikur herën e parë kur mu ka vjedhë. Për mu është shumë me rëndësi që u gjet vetura…Edhe unë shrafin e fundit të kerrit kam pas qejf me ditë ku e kam”.
a.k. / dita
Kjo eshte nje piknisje e mire per hetimet.
Duket qarte grupi kriminal, ka fshehur makinen ne garazh per 3 vjet.
Besoj do e ndihmoj hetimin.
Ekzekutoret jane nga zona e Shengjinit, ose aty rrotull.
Ambasadori anglez thote qe do te kete akoma non grata ! Per mua ky eshte nje lajm koti sepse nuk me intereson aspak. Ata qe shpallen non grata nga Amerika apo Anglia kane aq shume leke sa mund te bredhin boten dhe si behet vone kurse ne edhe se nuk jemi te shpallur non grata me veshtiresi levizim deri ne Kosove apo Maqedoni. Per ne na shpallin apo jo jemi te tille se edhe nuk na lejojne edhe s’kemi kushte per te dale per qejf. do njeri sheh jeten e tij dhe si intereson (perveç hajduteve pushtetare sepse nuk duan te ndajne vjedhjet) non gratat e tyre.