Propozimi i PD-së për Reformën Territoriale: 100 bashki dhe 6 rajone

Pas propozimit të Partisë Socialiste për ndarjen e re territoriale, edhe Partia Demokratike ka ndarë draftin e saj ku propozohet një ndarje me 100 bashki dhe 6 rajone.

Drafti u është shpërndarë deputetëve të PD, nga bashkëkryetari i Komisionit Luciano Boçi.

“Të nderuar deputetë me miratim të Kryetarit të PD dhe të Kryetarit të grupit ju përcjell listën e bashkive (100) të paraqitur në raport nga ekspertët tanë. Secili mund të bëjë më pas prononcimin e vet. Falënderime!”, thuhet në mesazhin e Boçit drejtuar deputetëve të PD.

Sipas variantit të PD-së, 100 bashkitë do të organizohen në 6 rajone:

Rajoni 1 – Shkodër-Lezhë: 16 bashki

Rajoni 2 – Dibër-Kukës: 13 bashki

Rajoni 3 – Tiranë-Durrës: 15 bashki

Rajoni 4 – Elbasan-Korçë: 19 bashki

Rajoni 5 – Fier-Berat: 19 bashki

Rajoni 6 – Vlorë-Gjirokastër: 18 bashki.

Varianti i PD-së rikthen në hartën administrative një numër bashkish që nuk ekzistojnë në ndarjen aktuale territoriale, ndërsa në disa qarqe parashikohet një rritje e numrit të bashkive.

Zbardhet propozimi i PD-së për reformën Territoriale: 100 bashki

Në qarkun e Tiranës, PD propozon 10 bashki, nga 5 sipas ndarjes territoriale të vitit 2014.

Në qarkun Shkodër, për shembull, propozohen 8 bashki, nga 5 që janë aktualisht, ndërsa në qarkun e Lezhës numri shkon nga 3 në 8 bashki.

Zbardhet propozimi i PD-së për reformën Territoriale: 100 bashki

Mes bashkive të propozuara në draft janë Velipojë, Drivast, Koplik, Shishtavec, Bicaj, Maqellarë, Shupenzë, Kastriot, Lurë, Petrelë, Kashar, Dajt, Arbanë, Ndroq, Amantia, Orikum, Ksamil dhe Novoselë, krahas bashkive ekzistuese që në draft marrin përbërje të reja territoriale.

Zbardhet propozimi i PD-së për reformën Territoriale: 100 bashki

Dy propozimet e reja për ndarjen territoriale paraqesin kështu dy modele të ndryshme: PS propozon 46 bashki, ndërsa PD 100 bashki të organizuara në 6 rajone.