Kryeministri Edi Rama dhe ministri i Punëve të Brendshme Ervin Demo po mbajnë një takim me policinë e Shtetit.
Gjatë fjalës së tij, Rama sulmoi të rinjtë protestues me fjalë fyese, ndërsa mbante në dorë sërish një gur.
“Erdha sërish me këtë me vete. Me këtë nuk negociohet. Me këdo që vë përpara këtë nuk negociohet sepse në momentin kur shteti negocion me këtë, ka rënë. E ka parë Shqipëria këtë film më shumë se një herë dhe pasojat e tij janë plagë që duan vite të shërohen.
Të rinjtë e kësaj nuk duan paqe por përmbysje, janë të rinj të idealizuar nën frymëzimin e asaj force të errët e të re që është shfaqur në Europë, që Trump e ka shpallur organizatë terroriste.
Mendojnë se jeta është TikTok, dhe me Tik Tok dhe pa lidhur dot 7 fjalë bashkë do të bëjnë Shqipërinë. Janë pengje të një fryme dhe ideologjie të re që ka vetëm një mision: Shkatërro, rrëno gjithçka, bëje rrafsh”, tha ai.
“Adhurojnë molotovin dhe rrëmujën e kaosin e u turren dyqaneve. Kjo masë ka nevojë për psikolog e për t’u trajtuar nga shoqëria si një masë njerëzore vajzash e djem që vijnë nga periferitë për të shkatërruar qendrën. Kanë keqkuptime të mëdha”, – tha kryeministri i vendit para drejtuesve të policisë, në një takim sot ku shoqërohet nga ministri i brendshëm Ervin Demo.
Ky i fundit tha se me ngjarjet e mbrëmshme ku është sulmuar Komisariati 3, është kaluar sipas tij vija e kuqe.
n.s. / dita
