Mijëra mbështetës të një partie opozitare pro-ruse në Republikën Çeke u mblodhën të shtunën në Pragë për të protestuar kundër administratës së qendrës së djathtë dhe politikave të saj.
Protesta u thirr nga Lëvizja PRO, e cila ka një qëndrim nacionalist, pro-Moskës dhe antiperëndimore, raporton Euractive.
Sipas agjencisë së lajmeve CTK, rreth 10 000 njerëz morën pjesë në protestë. Ky është manifestimi I dytë i këtij lloji pas atij të një viti më parë, kur çmimet e energjisë në Evropë ishin në nivelin më të lartë.
Lideri i PRO, Jindrich Raichl, kërkoi që Praga të vërë veton ndaj përpjekjes së Ukrainës për t’u anëtarësuar në NATO.
“Ata janë agjentë të fuqive të huaja, njerëz që përmbushin urdhrat, kukulla të zakonshme. Dhe unë nuk dua më një qeveri kukull”, tha Raichl.
Republika Çeke ka qenë një mbështetëse e fortë e Ukrainës nën administratën aktuale. Ajo ka ndihmuar ushtarët ukrainas me tanke, raketahedhës, helikopterë, predha artilerie dhe furnizime të tjera.
Raichl vlerëson Viktor Orban, kryeministrin e Hungarisë, për iniciativat e tij nacionaliste dhe u kërkoi vendeve të Evropës Qendrore të bashkohen për të kundërshtuar Brukselin. Ai ka shprehur mbështetje edhë për Robert Fico, ish-kryeministrin e Sllovakisë, i cili ka mbajtur një qëndrim të ashpër antiperëndimor.
p.c/dita
