Është publikuar lista e pasaportave më të fuqishme në botë dhe në vend të parë është pasaporta e Emirateve të Bashkuara Arabe.
Faqja e internetit Passport Index rendit pasaportat e 96 vendeve të botës.
Mbajtësit e pasaportave të Emirateve të Bashkuara Arabe mund të udhëtojnë në 180 vende të botës pa vizë.
Vendin e dytë, me mundësinë e udhëtimit në 178 shtete pa vizë, e ndajnë pesë shtete, Gjermania, Spanja, Franca, Italia dhe Holanda.
Vendi i tretë pa vizë mund të udhëtojë në një vend më pak 177, dhe atë e ndajnë edhe pesë vende (Suedia, Finlanda, Luksemburgu, Austria dhe Zvicra).
Gjashtë shtete janë në vendin e katërt, Danimarka, Belgjika, Portugalia, Polonia, Irlanda dhe Koreja e Jugut, dhe ata që mbajnë këto pasaporta mund të udhëtojnë në 176 vende pa vizë.
Vendin e pestë e ndajnë tetë shtete. Ata që kanë një pasaportë të Singaporit, Greqisë, Norvegjisë, Republikës Çeke, Mbretërisë së Bashkuar, Hungarisë, Japonisë ose Zelandës së Re mund të udhëtojnë në 175 vende të botës pa vizë.
Në vendin e gjashtë janë tre pasaporta sllovake, amerikane dhe australiane. Me to mund të udhëtoni në 174 vende pa vizë.
Sllovenia ndan vendin e shtatë me katër vende të tjera, Maltën, Estoninë, Lituaninë dhe Kanadanë, dhe qytetarët e tyre mund të udhëtojnë pa viza në 173 vende.
Një tjetër vend fqinj është në top 10, Kroacia, e cila e ndan atë vend me Letoninë, Islandën dhe Lihtenshtajnin. Me këto pasaporta ju mund të vizitoni 172 vende pa vizë. Ata që kanë pasaportë bullgare, rumune ose qipriote mund të hyjnë një vend më pak pa vizë.
a.c./dita
