Parku Kombëtar në Luginën e Vjosës do të jetë përveçse qendra më e rëndësishme e biodiversitetit, edhe një nga rajonet me një qasje të re në turizmin e qëndrueshëm, kryesisht agroturizëm dhe ekoturizëm.
Të paktën ky është vizioni që shpaloset në dokumentet e publikuara së fundmi në funksion të fillimit të konsultimeve me tre bashki, grupet e komunitetit dhe palët e interesit.
Studimi i fizibilitetit i hartuar në funksion të shpalljes së Vjosës Park Kombëtar nënvizon se zhvillimi do të shtrihet në dy faza, ku e para nis këtë vit.
Qeveria shqiptare është angazhuar për krijimin Parkut Kombëtar të Luginës së Vjosës që do të përfshijë dhe mbrojë të gjithë rrjedhën e lumit Vjosa nga kufiri grek deri në detin Adriatik, duke përfshirë degët e tij me rrjedhje të lirë.
“Parku do të krijohet në dy faza. Ky dokument përmban rezultatet e fazës I, që përfshin të gjithë gjatësinë e lumit Vjosa në Shqipëri dhe tre kryesore degët: Drino, duke përfshirë Kardhiqin, Bënçën dhe Shushicën.
Në vitet në vijim, të gjithë lumenjtë dhe përrenjtë me rrjedhje të lirë, si dhe një zonë më e madhe që rrethon lumenjtë, do të përfshihen për të monitoruar ekosistemet e rëndësishme që derdhen në lumë dhe ndikojnë shëndetin dhe biodiversitetin ose janë të ndikuara nga lumi, të tilla si grykëderdhja”, thuhet në dokument.
I njëjti sjell në vëmendje kërcënimet kryesore për zonën të renditura si : urbanizimi, minierat dhe guroret, hidrocentralet, industria dhe bujqësia.
Objektivat kryesorë të kësaj nisme për shpalljen e Vjosës park kombëtar janë përmbledhur në tre pika.
Së pari ruajtja e integritetit ekologjik të standardeve zonës së mbrojtur të Vjosës të të Kategorisë II të IUCN.
Së dyti ofrimi i aktiviteteve rekreative dhe përvojave kulturore për të lidhur njerëzit me natyrën dhe me kulturën shqiptare
Së treti promovimi i bashkëpunimit dhe përgjegjësisë së përbashkët për një zhvillim të qëndrueshëm lokal dhe mbrojtjen e këtij parku.
Dokumenti ndalet në fazën e parë të zhvillimit duke nënvizuar se parku do të kërkojë investime që nga stafi që do të vendoset në këtë rajon e deri tek lehtësimi i infrastrukturës.
Për secilin aspekt janë tre skenarë që analizohen dhe që ndjekin një ecuri të projektit deri në vitin 2028. Ndikimet e vlerësuara nga palët e interesit në të gjitha rastet cilësohen si pozitivë.
Kostoja minimale vjetore për këtë projekt cilësohet si 77 mijë euro por nëse do të ketë investime infrastrukture ato në vite të caktuara mund të kërkojnë 3 milionë euro(e specifikuar për zhvillimin potencial në vitin 2026).
Lumi Vjosa-Aoös rrjedh për 272 km nga burimet e tij në Parkun Kombëtar të Pindit në Greqi deri në grykën e saj në Shqipërinë e Jugut, ku derdhet në detin Adriatik.
I gjithë pellgu ujëmbledhës mbulon 6,704 km2, nga të cilat 4,365 km2 janë në Shqipëri.
Monitor
j.l./ dita
Pallavra me epitetet “park” dhe “kombetar”! Na sillni parate qe vodhi Beketi te besojme keto qe shkruhen. Shqiptaret kane nevoje per energji te paster jo pet 200 turiste qe do vijne te englendisen neper Vjose. Perse eshte lejuar qe Greqia te ndertoje nje hidrocentral mbi Vjose ndersa Shqiperise i behet thirrje ts mbaje Vjosen te eger?
Pse deri te kufiri grek
Nqs sllogani eshte “vjosa e lire” pse kjo nuk perfshin greqine atje ku ka burimin?
A dini se 80% e ujit te lumit vjose ne greqi eshte devijuar per ne liqenin e janines?
Asnje fitim tjeter nuk krahasohet me digat popullata po ushqehet me luge boshe gjoja do bejne agriturizma dhe do fitojne, po po mos u beni merak do fitoni sa po fiton popullata e bregdetit apo vertet kujtoni se hotelet e bregdetit jane te popullates vendase?
Sa per biodiversitetin kjo eshte analizuar ne digat me te medha ne bote ku shkencetar prej verteti dhe jo si di caprio&co lejuan digat
Pra se ku fle lepuri shum shpejt do dale edhe ketu
Per te kuptuar pallavren e radhes mjafton te lexoni kete pasazh nga shkrimi:
‘Kostoja minimale vjetore për këtë projekt cilësohet si 77 mijë euro por nëse do të ketë investime infrastrukture ato në vite të caktuara mund të kërkojnë 3 milionë euro(e specifikuar për zhvillimin potencial në vitin 2026).’
Publikohet studimi (pa grup studimi!) ne dy faza! Kush i ha studimet e sotme ne Shqiperi? Kush e jep, dhe mbi ç’baze, detyren e studimit?
U vendos ndertimi I HEC Kalivaç. U bllokua ky objekt ngase vodhi Beketi, perse nuk u gjet nje “Beket tjeter” qe nuk vjedh dhe HEC te ndertohej? A thua nuk ka lidhje bllokimi i GEC Kalivaç me bllokimin e HEC Poçem por tashme me nje arsye tjeter: Firmat turke qe kane fituar tenderin per kete objekt ishin firma thjesht per “germim dheu”!
Ky argument per bllokimin e Poçemit, u shoqerua me “arsyen” se strukturs e tokes per digen e Poçemit eshte “filtruese”! Kush i ha keto idiotizma? Sepse shtrohet pyetja:
Perse punuan sondat ne fazen e ndertimit per injektimin e cimentos ne NËNDIGË dhe shpatullat e tyre ne HEC-et mbi Drin?