Një punonjës 44-vjeçar ka humbur jetën pasi ka rënë nga një pallat në ndërtim në qytetin e Bajram Currit.
“Ditën e djeshme, gjatë punës në këtë objekt është rrëzuar nga kati i pestë, shtetasi A. S., 44 vjeç, banues në fshatin Gri, i cili si pasojë e dëmtimeve të marra ka humbur jetën”, njofton policia.
Një drejtues teknik është arrestuar pasi akuzohet se nuk ka marrë masat për zbatimin e rregullave të mbrojtjes në punë në ndërtimin e një pallati në qytetin e Bajram Currit.
Specialistët për Hetimin e Krimeve të Komisariatit të Policisë Tropojë, bënë ndalimin e shtetasit M. Ç., 40 vjeç, banues në Tiranë, me detyrë drejtues teknik i një subjekti për ndërtim pallati, për veprën penale “Shkelja e rregullave të mbrojtjes në punë”.
Ky shtetas dyshohet se nuk ka marrë masat për zbatimin e rregullave të mbrojtjes në punë në ndërtimin e një pallati në qytetin e Bajram Currit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.
j.l./ dita
Çfarë mase merret për ata që kanë përgjegjësi për këto humbje jete, mos bëhen në fillim disa formalitete dhe pastaj lirohen. Të humbin jetët e punonjësve, kjo do të thotë që masat nuk janë efektive. Pse vlen kaq pak jeta e një njeriu, ky është shkaku i boshatisjen së vendit. Vendi do të vazhdoj të braktiset përsa kohë shteti nuk mbron qytetarin sepse nuk i intereson qytetari i tij.