Vladmir Putin ka humbur një tjetër gjeneral të lartë, pasi u godit nga raketat britanike “Storm Shadow “, sipas burimeve ukrainase dhe ruse. Gjenerali Oleg Tsokov, 51 vjeç, ishte një person i afërt me diktatorin dhe ishte sanksionuar nga Britania dhe BE-ja për rolin e tij në luftën kundër Ukrainës.
Berdiansk, një port i rëndësishëm strategjik në Detin Azov në rajonin e Zaporizhzhia, është goditur javët e fundit nga ukrainasit nga raketat Storm Shadow të Britanisë së Madhe.
Raketat kanë një rreze veprimi prej 155 miljesh, më larg se armët e tjera të furnizuara nga perëndimi. Furnizimi me raketa “Storm Stream” në Ukrainë u konfirmua nga qeveria e Mbretërisë së Bashkuar, në maj 2023.
Sekretari i Mbrojtjes Ben Wallace konfirmoi se raketat ishin përdorur tashmë nga Ukraina më 18 maj por nuk pranoi të jepte detaje të mëtejshme.
Raketat me vlerë 2.2 milionë funte për njësi do të lejojnë forcat ukrainase të godasin më shumë territorin e kontrolluar nga Rusia.
p.k\dita
