Të jesh i përkëdhelur i Presidentit të Shteteve të Bashkuara nuk është i lehtë. Mbi të gjitha, sepse duhet të mësohesh të jesh gjithmonë i rrethuar nga një turmë njerëzish me nxitim. Konsulentët, stafi, policia, anëtarët e Shërbimit Sekret… Është një jetë stresuese.
Në SHBA ky debat është i hapur prej disa ditësh. Gjithçka shpërtheu pasi u bë publik një raport ku thuhej se qeni i Presidentit Biden, një pastor gjerman i quajtur Commander, kishte sulmuar agjentët e Shërbimit Sekret deri në dhjetë herë midis tetorit 2022 dhe janarit 2023.
Ishte një periudhë kohore në të cilën kafsha ishte në mënyrë të pazakontë nervoz, duke shkaktuar lëndime te disa pjesëtarë të forcave të sigurisë.
Edhe pse në përgjithësi nuk ishin episode me pasoja fatale, njëri përfundoi në spital.
Zyra e shtypit e Zonjës së Parë, Jill Biden, u përpoq të minimizonte çështjen përmes një deklarate duke sqaruar se “kompleksi i Shtëpisë së Bardhë është një mjedis unik dhe stresues” dhe se familja tashmë po punonte për të gjetur mënyra të reja për t’i “bërë gjërat më mirë për të gjithë”.
Megjithatë, disa pyesin nëse rezidenca e Uashington D.C. është vendi ideal për një pastor gjerman, i cili me siguri do të ishte më i lumtur nëse do të kishte mundësinë të bridhtw lirisht në një ambjent të hapur fshati.
Dhe nuk është hera e parë që kjo racë i jep probleme familjes Bidens.
“Komandanti” është pastori i dytë gjerman që bredh në sallat e pallatit gjatë administratës aktuale. Tjetri quhej Major. Sjellja e tij agresive me stafin e bëri të pamundur bashkëjetesën. Më në fund, Biden vendosi ta kthejë atë në Delaware – shteti i tij i rezidencës para se të bëhej president – ku për të kujdesen disa miq.
Koha do të tregojë nëse Komandanti do përfundojë njësoj duke mos u përshtatur dot përfundimisht me politikën e lartë.
