Deputetja Marjana Koçeku, e njohur ndryshe si “Neomalësorja”, iu bashkua këtë të shtunë protestës qytetare para Kryeministrisë, pak ditë pas largimit të saj të fundit nga grupi parlamentar i Partisë Socialiste.
Prania e Koçekut në ditën e 21-të të protestës u vu re mes protestuesve që kërkojnë dorëheqjen e kryeministrit Edi Rama dhe krijimin e një qeverie teknike që do të çonte vendin drejt zgjedhjeve të reja.
E rrethuar nga gazetarët, deputetja nuk pranoi të japë detaje.
“E kam mendjen te protesta. Ta lëmë vëmendjen te protesta. Do prononcohem në një moment të dytë”, u shpreh shkurt Koçeku.
Protesta para Kryeministrisë ka hyrë në ditën e saj të 21-të dhe këtë fundjavë është karakterizuar nga pjesëmarrja e shtuar e qytetarëve dhe e shqiptarëve të ardhur nga diaspora, të cilët kanë marrë një rol të rëndësishëm në organizimin dhe zhvillimin e tubimit.
Lavdi Ty!
kur te behen zgjedhjet e reja do te shohim sa te vlen lëkura sepse sot je deputete në sajë të listave te mbyllura te PS
nuk me pelqen pergjigja e kesaj zonjes,, me duket dinakeri,,shkon tymi nga fryn era,,
Fshati digjet koçeku krihet ….
Eshte krim moj “deputete” te paguhesh ti me rrogë 400.000 lekë te reja nga taksat e këtij populli, kur kontributi jot është 0.
Prandaj duhet te nderohet sistemi zgjedhor dhe ta kuptosh ti dhe shume te tjera qe nuk keni shanse ti afroheni atyre karigeve te parlamentit. Mosmirënjohëse dhe tu dha shansi te mesosh dhe rruget e Tiranes.