Kryesocialisti Edi Rama, gjatë takimit me qytetarët e Gjirokastrës për zgjedhjet lokale të 14 majit, ka komentuar edhe premtimin e bërë nga Adil Xhelili, kandidati i koalicionit Meta-Berisha për bashkinë e Libohovës, i cili është zotuar për shërbim funeral falas nëse zgjidhet kryebashkiak dhe madje e ripërsëriti premtimin pasi lajmi u publikua në media.
Rama ironizoi premtimin e Xhelilit, duke thënë se ky i fundit ishte gati të varroste gjithë Gjirokastrën. “Kemi një në Libohovë, që është gati t’ju varrosë të gjithëve. Thotë më jepni votën, të varros gjithë Gjirokastrën! Të gjitha falas i keni me ta, po e dini shumë mirë çfarë vjen pas asaj falas, jo t’i keni falas, po mos të të lënë as të varrosesh rehat!”, tha Rama.
