Kryeministri, Edi Rama ka publikuar foto nga Samiti BE-Ballkani Perëndimor i zhvilluar ditën e djeshme, më 18 dhjetor në Bruksel. Rama shkruan se samiti ishte një ditë afrimi i mëtejshëm me Europën. Ai thekson se gjatë këtij takimi u mbështet fuqimisht plani i përbashkët me Komisionin Europian, për mbylljen e negociatave në fund të vitit 2027.
Në fotot e publikuara, kryeministri duket i qeshur krah presidentes së Komisionit Europian, Ursula Von der Leyen dhe krerëve të shteteve. Ai gjithashtu ka ndarë foto edhe me kryeministen e Italisë, Georgia Meloni ku teksa bisedojnë janë të qeshur.
Udhëheqësit e Bashkimit Evropian u takuan me udhëheqësit e vendeve të Ballkanit Perëndimor për të diskutuar mbi zgjerimin dhe posaçërisht mbi Planin e Rritjes ekonomike për rajonin që aspiron integrimin në bllok. Në takimin e nivelit të lartë janë diskutuar edhe çështje si agjenda e gjelbër, lufta kundër kërcënimeve hibride, kibernetike dhe migracioni si dhe fusha të tjera si politika e jashtme e përbashkët.
Postimi i Ramës:
MIRËMËNGJES dhe me FotoALBUMIN e një dite afrimi të mëtejshëm me Europën, ku u mbështet fuqimisht plani ynë i përbashkët me Komisionin Europian, për mbylljen e negociatave në fund të vitit 2027, ju uroj një ditë të mbarë.
j.l./ dita
