Presidenti i rrëzuar sirian Bashar al-Assad tha se ai ishte në Damask deri në mëngjesin e 8 dhjetorit, ditën kur rebelët e udhëhequr nga grupi Hahar Tahrir al-Sham (HTS) pushtuan kryeqytetin dhe se nuk kishte plan për t’u larguar nga vendi.
Assad në deklaratën e parë pas largimit nga Siria të publikuar në rrjetet sociale, deklaroi se në ditët kur forcat opozitare përparonin nga veriu i Sirisë drejt Damaskut, ai nuk kishte ndërmend të jepte dorëheqjen dhe se nuk mendonte të kërkonte azil.
Ai shpjegoi se fillimisht shkoi nga Damasku në bazën ruse Hmeimim pranë qytetit bregdetar të Latakias, ku mësoi se rebelët kishin pushtuar Damaskun, raporton RIA Novosti.
Ai shtoi se evakuimit të tij në Rusi i ka paraprirë kolapsi i ushtrisë dhe paraliza e institucioneve shtetërore.
Sundimi 50-vjeçar i familjes Assad në Siri përfundoi pasi ish-kryeministri sirian Muhammad al-Jalali ua dorëzoi pushtetin rebelëve, të cilët kaluan rrugën nga Aleppo në Damask në vetëm dhjetë ditë, duke arritur qëllimin e vendosur në 2011.
i.b./dita
