Rebelët Houthi të Jemenit njoftuan të martën se gjashtë persona, përfshirë katër fëmijë, u vranë dhe 16 të tjerë u plagosën nga bombardimet në provincën bregdetare të Hodeidah, në pjesën perëndimore të vendit. Houthi fajësoi Shtetet e Bashkuara për sulmet.
“Numri i dëshmorëve u rrit në gjashtë (4 fëmijë dhe 2 gra) dhe 16 të plagosur në sulmin amerikan”, raportoi përmes X zëdhënës i Ministrisë së Shëndetësisë të qeverisë Houthi, Anis al-Asbahi.
Sipas tij ky numër mund të rritet pasi ekipet e shpëtimit vazhdojnë përpjekjet e tyre për të rikuperuar viktimat. Më herët u raportua për 4 të vdekur dhe 13 të plagosur. Një korrespondent i AFP-së në një distancë të shkurtër dëgjoi të paktën tre shpërthime të fuqishme të njëpasnjëshme.
Materiali vizual i transmetuar nga Al-Masirah tregon njerëz që vrapojnë në të gjitha drejtimet, qytetarët që nxjerrin të lënduarit nga rrënojat dhe i transferojnë ata në ambulanca dhe dëme të mëdha materiale.
Rrjeti raportoi gjithashtu se një sulm amerikan kishte në shënjestër rrjetin e telekomunikacionit në Saëaba, në zonën Dibin, në provincën Amran, në veri të kryeqytetit Sanaa, pa hyrë në detaje të mëtejshme.
Houthi media: The death toll from the US aggression on a residential area in Hodeidah has risen to at least 6 dead and 16 wounded.
May God protect Yemen and its people.#America_is_the_head_of_terrorism#Isreal_Is_A_Terrorist_organisation https://t.co/XjwPraBiYb
— ❤Hana❤ (@hana7_10_2023gz) April 8, 2025
j.l./ dita
