Duket se dyshja Edi Rama dhe inovacioni në emërime kanë kapur një tjetër majë. Nëse mendonit se kishit parë gjithçka nga listat e ministrave, deputetëve, këshilltarëve, ekspertëve të orëve të fundit, mendojeni përsëri.
Kryeministri sapo ka emëruar si kryekëshilltare për mediat një nga yjet e “Rrethit Katror”, një emision televiziv, ku gjen shtëpi çdo lloj teorie konspirative. Për ata që mbase nuk e ndjekin këtë festival banaliteti intelektual, zonjusha ka lënë aty perla që qarkullojmë gjerësisht online.
Në një dalje psh thotë që ekziston një tunel sekret nëntokësor nga Shkupi deri në Kosovë ku merren vendimet për… luftën në Ukrainë.
Në një dalje tjetër (video më poshtë) vajza sfidon bazat e biologjisë. Mendja që tani do t’i japë këshilla shefit të qeverisë së Tiranës ka hedhur dritë mbi një mister që as shkencëtarët e CERN-it nuk e kanë çuar ndonjëherë në mendje.
Harrojeni Darvinin, evolucionin e specieve në savanet e Afrikës, migrimet e lashta njerëzore. Sipas analizes së saj të thellë antropologjike “raca e bardhë nuk është racë e tokës, jemi të bërë në laborator”:
P.S. Të dashur lexues të bardhë, mos harroni të bëni një kontroll teknik tek mekaniku më i afërt. Nuk i dihet kur na del ndonjë defekt në prodhim.
o.peci / dita
