Avokatët e një gruaje që akuzoi Cristiano Ronaldon për abuzim seksual ndaj saj, e kanë çuar futbollistin në gjykatë në një përpjekje për të marrë miliona të tjera para për heshtje.
Lojtari i kishte paguar Kathryn Mayorga – e cila ka hequr dorë nga e drejta e saj për anonimitet – 375,000 dollarë (356, 848 euro) para për heshtje.
Ajo kishte pretenduar se ai e përdhunoi atë në një dhomë hoteli në Las Vegas në qershor 2009 – gjë që ai e mohoi.
Ekipi i saj ligjor po i kërkon Gjykatës së 9-të të Apelit të SHBA që të anulojë pushimin e çështjes dhe të rihapë padinë civile që ajo ngriti për herë të parë në Nevada në 2018.
Ata do të argumentojnë se gjyqtari i gjykatës federale në Nevada gaboi duke refuzuar në mënyrë të përsëritur përpjekjet e Mayorga për të zhbllokuar dhe përfshirë si provë marrëveshjen e konfidencialitetit që ajo nënshkroi në 2010 në pranimin e pagesave nga Ronaldo.
Nga ana tjetër, ekipi i tij ligjor ka deklaruar se takimi seksual ishte konsensual dhe se një marrëveshje konfidencialiteti i pengon ekipin e tij dhe Mayorga të flasin për këtë.
a.c./dita
