Cristiano Ronaldo nuk po jeton një moment të mirë në Arabinë Saudite, në Al Nassr, skuadër ku luan që nga janari i këtij viti, i mbuluar nga një mal floriri. Pas polemikave për gjestin e fundit, ja ku ai bëhet përsëri protagonist i një sherri me trajnerin e tij në gjysmëfinalen e Kupës së Mbretit të humbur 1-0 ndaj Al Wehda. Humbja e pësuar duke luajtur në epërsi numerike në një pjesë të mirë të pjesës së dytë.
Portugezi pati disa raste shënimi, por nuk arriti të shënojë golin e barazimit. Në pjesën e parë, Ronaldo doli nga fusha dukshëm i mërzitur nga performanca e skuadrës së tij e cila pësoi një gol, duke i bërtitur trajnerit të tij Jelicic ndërsa të dy po kalonin rrugës për në dhomat e zhveshjes.
