Me kryesimin e kreut të qeverisë, Albin Kurti, sot në orën 07:00 ka nisur mbledhja e Këshillit të Sigurisë.
Në fokus të bisedimeve do të jenë situata aktuale në veri të vendit, ku një ditë më parë, datë 14 qershor forcat serbe morën peng 3 pjesëtarë të Policisë së Kosovës.
Në mbledhjen e sotme pritet të propozohen politika dhe strategji për sigurinë.
Tre policë kufitarë janë marrë peng këtë të mërkurë datë 14 qershor në vendin e quajtur Tresave/Bare, brenda në territorin e Kosovës, më konkretisht në afërsi të një fshati në komunën e veriut në Leposaviç.
Sipas policisë, ata janë rrëmbyer nga forcat serbe, teksa kanë qenë në detyrë për të parandaluar shfrytëzimin e rrugëve ilegale nga grupet kriminale për kalim ilegal dhe kontrabandë.
Tre efektivët kanë njoftuar policinë se tre persona të maskuar dhe armatosur kanë shkuar drejt tyre.
Nga ky moment forcat e tjera policore kanë shkuar në kufi, ku kanë gjetur vetëm makinën e tre policëve.
Lidhur me rastin, Kryeministri i Kosovës, Albin Kurti ka thënë se përveç agresion ky është edhe synim për destabilizim.
Gjenerali i KFOR ka takuar presidentin Vuçiç.
Ai njoftoi se janë të gatshëm për çdo skenar, nëse Serbia synon të shtojë tensionet.
KFOR ka mbërritur në Bare.
Serbia ka hedhur poshtë çdo pretendim.
j.l./ dita
