Një katastrofë ajrore ndodhi pasditen e kësaj të enjte në Indi, kur një aeroplan i Air India me destinacion Londrën u rrëzua disa minuta pasi u ngrit, në Indinë perëndimore.
Shefi i policisë në Ahmedabad thotë se dyshohet se nuk ka të mbijetuar nga rrëzimi i avionit, në Indi.
Në avionin me destinacion Londrën ndodheshin 242 pasagjerë në bord. Avioni u rrëzua në një zonë banimi dhe dyshohet se mund të ketë edhe viktima në zonë. Ndërkohë autoritetet ende vijojnë hetimet dhe numri i viktimave ende nuk është konfirmuar.
“Ndërtesa në të cilën u përplas është një konvikt mjekësh… Ne kemi pastruar tashmë rreth 70% deri në 80% të zonës dhe do t’i përfundojmë operacionet së shpejti”, tha për mediat një oficer i lartë policie.
Presidenti i Republikës së Shqipërisë, Bajram Begaj, ka shprehur ngushëllimet pas aksidentit ajror tragjik që ndodhi në Ahmedabad, Indi.
“Thellë i trishtuar nga rrëzimi tragjik i avionit në Ahmedabad. Në emër të Shqipërisë, shpreh ngushëllimet e mia më të thella familjeve të viktimave dhe popullit të Indisë. Në këtë moment të dhimbshëm, ne qëndrojmë në solidaritet me të gjithë të prekurit”, thotë Begaj.
Shefi i policisë në Ahmedabad thotë se dyshohet se nuk ka të mbijetuar nga rrëzimi i avionit, në Indi.
