Gjykata e Posaçme kundër Korrupsionit dhe Krimit të Organizuar (GJKKO) vendosi të martën të refuzojë kërkesën e ish-presidentit dhe kreut të Partisë së Lirisë, Ilir Meta, për lehtësimin e masës së sigurimit.
Trupa gjykuese la në fuqi masën “arrest në burg”, duke vlerësuar se kushtet ligjore që diktuan izolimin e tij mbeten të pandryshuara.
Vendimi i formës së prerë konfirmon qëndrimin e formacionit gjyqësor, pavarësisht pretendimeve të mbrojtjes ligjore për zbutjen e masës shtrënguese.
Meta ndodhet në paraburgim prej tetorit 2024 nën dyshimet për korrupsion pasiv, pastrim parash dhe fshehje të pasurisë, akuza të cilat ai i ka hedhur poshtë në mënyrë të vazhdueshme si me prapavijë politike.
Në aspektin procedural, trupa gjykuese e GJKKO-së pranoi kërkesën e mbrojtjes për heqjen e barrierës së xhamit gjatë seancës, duke i mundësuar ish-kreut të shtetit të qëndrojë pranë avokatit të tij mbrojtës për të lehtësuar komunikimin ligjor.
Kjo masë procedurale, e aplikuar për të garantuar mbrojtjen efektive, pason një qasje të ngjashme të zbatuar më parë në Gjykatën e Apelit të Posaçëm nga gjyqtarja Saida Dollani.
Megjithatë, ndryshe nga pranimet e kërkesave teknike për zhvillimin e seancës jashtë kafazit të xhamtë, GJKKO qëndroi e pandryshuar sa i përket vlerësimit të nevojave të sigurimit, duke mos pranuar zëvendësimin e masës “arrest në burg” me një masë më të butë alternative.
j.l. / dita
Ke qene mesi tepsise dhe guri peshores,qe e tundje bishtin e kandarit sa majtas djathtas.Po ky bir kurve ta mori nga dora edhe tepsine edhe timonin.Ruj trute e kokes o Ilir,se p[aret nuk i ha as qeni.